Category: شاعری

محبت لفظ تھا پہلا
پر اکثر کتابوں کو ہم ہونہی اٹھاتے ہیں، پلٹتےہیں،
بیچ سے کہیں ایک دو سطر پڑھتے ہیں
پرکھتے ہیں، چھوڑ دیتے ہیں
محبت ہر لفظ میں ہم کو نہیں دکھتی
محبت ہر سطر میں نہیں ہوتی

ثبات فرسودگی ہے

تغیر جہد مسلسل ہے

سعی بے سود ہے

تیری آنکھ میں لپکتی زندگی کی قسم

ٹوٹے ہوئے اودے کانچ پر تیرا پیر ہے

تیرا اگلا قدم نہ تیری ہار ہے، نہ تیری جیت ہے

سانس لینے کی، آس رکھنے کی جو ریت ہے

اس کی پہلی منزل ہے تاریکیاں

تیرے امروز میں پابندیاں رات کی

مکمل نظم کے لیے کتاب دیکھیں 

دریچوں میں جگنو

سچ ادھورا ہے ابھی

رافعہ خان

۔

میں ہوا کے کان میں اپنے خواب کہتی ہوں

ریت پر تصویریں نقش کرتی ہوں

پانی کے ورق پر اپنے راز لکھتی ہوں۔

میں تم سے کچھ نہیں کہتی

تم کب اس کو سمجھو گے ۔۔

مکمل نظم کے لیے کتاب دیکھیں 

دریچوں میں جگنو

نئے آسماں کے نیچے

نئی زمیں پر

نئے خواب نہیں بنوں گی

نئے موسم نہیں گنوں گی

سچ ادھورا ہے ابھی

رافعہ خان

اس بولتے شہر میں میرا غم کون کب سنے

میرے شہر کے سارے لوگ، 

خود اپنے ارادوں کی نا قدری کی داستانیں بیان کرتے 

اس زمانے کی آگہی کے جرم سناتے

لوگوں کی جہالت کے غم مناتے ، بولتے مسکراتے جا رہے ہیں

سبھی کو اپنا غم سنانا ہے ابھی

راستوں میں ٹھوکریں کھاتے قدموں کے زخموں کے قصے

حکایت زندگی رقم کرتے خونچکاں ہاتھوں کی داستانیں

میرا غم کون کب سنے؟؟

سچ ادھورا ہے ابھی

رافعہ خان